სიახლეები

,,ენერგო-პრო ჯორჯია ჰოლდინგში“ შემავალი კომპანიების 24 თანამშრომელს, ტრენერობის დამადასტურებელი სერთიფიკატი გადაეცა. შიდა ტრენერები  სხვადასხვა მიმართულებით დაატრეინინგებენ და კვალიფიკაციას აუმაღლებენ მოქმედ თანამშროლებს. ტრენერები იმუშავებენ ასევე ახალი თანამშრომლების ინტეგრაციაზე. პროექტს, ჰოლდინგი, ,,ენერგო-პრო ჯორჯიას“ დაკვეთით აკეთებს.

„უკვე სამი წელია ,,ენერგო-პრო ჯორჯიას“ დაკვეთით ვატარებთ ტრეინინგებს, რაც ძალიან მნიშვნელოვანია ჰოლდინგში შემავალი კომპანიების კადრების კვალიფიკაციის ამაღლებისთვის და კარიერული ზრდის შესაძლებლობებისთვის. ეს არ ეხება მხოლოდ ენეგეტიკის სფეროს, პროფესიონალი ტრენერები მზადდებიან სხვადასხვა დარგში, სწორედ იმ მიმართულებებით რაც კომპანიის ოპერირების გაუმჯობესებას უწყობს ხელს“ - განაცხადა ,,ენერგო-პრო ჯორჯია ჰოლდინგის“ ადამიანური რესურსების მართვის დეპარტამენტის უფროსმა, გიორგი ტრაპაიძემ.

მხოლოდ 2024 წლის განმავლობაში, სხვადასხვა მიმართულებით, კვალიფიკაცია აიმაღლა 1100 თანამშრომელმა და ამაში არ იგულისხმება შრომის უსაფრთხოების ტრენინგები, სადაც გადამზადებულთა რაოდენობა ყოველწლიურად 4 000 თანამშრომელს აღემატება.

,,ენერგო-პრო ჯორჯია ჰოლდინგი“ პროექტს მომავალშიც  განაგრძობს.