სიახლეები

შესყიდვა ფინანსდება “ენერგო-პროს” საკუთარი სახსრებისა და გარე წყაროების კომბინაციით. საჭირო მარეგულირებელი ნებართვების მიღების შემდეგ (2025 წლის ზაფხულში), Baixo Iguaçu სადგური, დადგმული სიმძლავრის თვალსაზრისით იქნება ენერგიის უდიდესი წყარო ენერგო-პროს პორტფელში. კომპანია ამჟამად მართავს ორმოცდაათზე მეტ ჰიდროელექტროსადგურს ჯამური დადგმული სიმძლავრით 1500 მეგავატი მსოფლიოს ხუთ ქვეყანაში (ბრაზილია, ბულგარეთი, საქართველოი, ესპანეთი, თურქეთი). Baixo Iguaçu-ს შეძენით ენერგო-პრო ჯგუფის დადგმული სიმძლავრე 1850 მეგავატამდე გაიზრდება.

ახალი შენაძენი ადასტურებს "ენერგო-პროს" მყარ პოზიციას ლათინური ამერიკის ენერგეტიკულ ბაზარზე. შვიდი პატარა ელექტროსადგურის გარდა (საერთო დადგმული სიმძლავრე 90 მეგავატი), რომელიც ენერგო-პრო ეი. ეს - მა  შარშან შეიძინა ლათინურ ამერიკაში, ამჟამად ჯგუფი უკვე ყიდულობს თანამედროვე, დიდ ჰიდროელექტროსადგურს. გარდა ამისა, იგი აშენებს კიდევ ერთ ჰიდროელექტროსადგურს, Chorreritas-ს კოლუმბიაში, რომელიც, სავარაუდოდ, მომავალ წელს დაიწყებს ოპერირებას. „ენერგო-პრო"-ს პორტფელის ზრდა ბრაზილიაში არის სტრატეგიული ნაბიჯი ჩვენი ჯგუფის გეოგრაფიული დივერსიფიკაციისთვის, რომელიც გვეხმარება გავამყარით ჩვენი მდგრადობა ჰიდროლოგიური, გეოპოლიტიკური და ეკონომიკური რისკების მიმართ“, - განაცხადა "ენერგო-პრო"-ს აღმასრულებელმა დირექტორმა იაკუბ ფაიფერმა შეთანხმების ხელმოწერისას.

ენერგო-პრო ჯგუფი ისტორიულად ორიენტირებული იყო სამ ძირითად ბაზარზე - ბულგარეთში, საქართველოსა და თურქეთში. თუმცა, ბოლო ორი წლის განმავლობაში, მან მნიშვნელოვნად გააფართოვა თავისი პორტფელი ესპანეთში, გალიციაში 10 ჰიდროელექტროსადგურის შეძენით და ახლა უკვე წარმატებული შენაძენით ბრაზილიაში. „Baixo Iguaçu სადგურის შეძენას აქვს მნიშვნელოვანი სარგებელი ფინანსური სტაბილურობის თვალსაზრისით, რადგან ელექტროენერგიის გაყიდვები იქ უზრუნველყოფილია ელექტროენერგიის შესყიდვის გრძელვადიანი ხელშეკრულებებით, რომლებიც ყოველწლიურად რეგულირდება ინფლაციის გათვალისწინებით“, - დაამატა იაკუბ ფაიფერმა.

ბრაზილიაში, ამ შენაძენის შემდეგ, ენერგო-პრო გახდება 8 ჰიდროელექტროსადგურის  (ჯამური დადგმული სიმძლავრე 440 მეგევატი) მფლობელი.

ენერგო-პრო ყიდულობს Baixo Iguaçu ელექტროსადგურს ბრაზილიური კომპანია COPEL-ისგან, რომელიც ადრე ქარხნის 30%-იან წილს ფლობდა, თუმცა წელს 100%-იანი წილის მფლობელი გახდა.

ძირითადი ინფორმაცია Baixo Iguaçu ელექტროსადგურის შესახებ:

- ელექტროსადგური არეგულირებს Iguaçu ჩანჩქერის დინებას და უზრუნველჰყოფს მინიმალურ დინებას მშრალ პერიოდებშიც კი. Iguaçu ჩანჩქერი არის ყველაზე დიდი ჩანჩქერების სისტემა დედამიწაზე და მსოფლიოს 7 ახალი ბუნებრივი საოცრებიდან ერთ-ერთი. 

- ექსპლუატაციაში შესვლის წელი: 2019 წ.

- დადგმული სიმძლავრე: 350 მგ.

-  წლიური გენერაცია: 1,584 გვტ.სთ· 

- 3 კაპლანის ტურბინა 

- წყალსაცავის ზომა: 32 კმ2

 - გადამცემი ხაზი: 60 კმ.

- კონცესიის მოქმედების ვადა: 2049 წლამდე 

-  სუფთა, ხელმისაწვდომი და განახლებადი ენერგიის წარმოება, რომელიც პასუხობს 1 მილიონი ბრაზილიელის საჭიროებებს (პარანას შტატის წლიური მოხმარების 8%)

- მთლიანი ინვესტიცია სადგურის მშენებლობაში (2014-2019) 500 მლნ ევრო